من أول ما بدأت تدوين وكل يوم بيعدى من غير ما يجيلى تاج كنت بشكر ربنا لأنى ماشى على المثل اللى بيقول
ابعد عن التاج وغنيله
لحد ما الدكتورة نور .. ظل قلم ورطتنى فى التاج ده فقلت أمرى لله
والتاج بصيغة المؤنث .. فأنا بعد إذنها هخليه بصيغة المذكر
إنت مين؟
أنا العبد السقيم من الخطايا
ده مشارى راشد كده
أنا ياسر سليم .. مصرى ..عندى 23 سنة .. كانت النشأة الأولى ليا فى السعودية لمدة خمس سنوات وبعدين رجعنا مصر وترعرعت فيها وقضيت سنتين من أسوأ ايام حياتى فى ليبيا فى مرحلة الإبتدائى وبعدين رجعنا مصر تانى عشان أترعرع فيها تانى لحد دلوقتى والصورة اللى انا حاطتها دى صورتى وانا صغير بلا فخر
مين أكثر 6 شخصيات بتحبهم ؟
ستة بس !؟
لاء دول لا يمكن عدهم على اصابع إيدى
ممكن إيدى وإيد حد كمان معايا
بس ممكن نقول سيدنا محمد صلى الله عليه وسلم رقم واحد
والصحابة والتابعين رقم إتنين
والإمام الشافعى والإمام حسن البنا والشيخ الشعراوى رقم تلاتة
والأهل والأقارب رقم اربعة
والأصدقاء رقم خمسة
وزوجات المستقبل رقم ستة
انت سعيد؟
ودى حاجة تزعلك !؟
بصراحة .. أنا مش فاكر أخر مرة كنت حزين فيها امتى
لو اجتمعت مع حسني مبارك في غرفة واحدة هتقوله ايه؟
وقعت ياريس ولا حدش سمى عليك
لو معاك مليون ونص هتعمل بيهم ايه؟
والله هو فى مشروع فى دماغى كده .. محتاج رأس مال محترم .. والمشروع ده هيبقى الغرض منه .. حل جزء من أزمة البطالة .. وزيادة كمية الإنتاج فى مصر .. وكام هدف كده كمان .. وبأرباح المشروع ده عايز اعمل كام مشروع تانى متفرع منه .. وليهم أهداف كبيرة برضة .. بس هما فين .. وأنا اعمل بيهم احلى شغل
بتحب مصر؟
اللى يروح ليبيا لازم يحب مصر
بتحب البنات؟
وهكرهم ليه بس
إنتي مسلمة؟
لاء .. مسلم
وليه؟
عشان انا ذكر .. والذكر بيبقى مسلم مش مسلمة
ايه أكثر موقف محرج اتعرضت ليه؟
اكثر موقف محرج ما افتكرهوش .. لو كنت قلت موقف وخلاص كنت قلتلك اى موقف محرج
واتصرفتي ازاي؟
هنرجع تانى للهجه دى .. وبعدين انا ما قلتش اى موقف اساسا .. إيه أتصرفت واتصرفتى دى بقة
إيه الامنية اللي بتدعي ربنا انه يحققها ليك؟
هو من ناحية الأمانى فهى كتيره جداً جداً
لكن اللى ديما بدعى ربنا انه يحققهالى انه يعلمنى القرآن وان يجعل القرآن العظيم ربيع قلبى ونور بصرى وجلاء همى وحزنى وأن يعلمنى منه ما جهلت ويذكرنى منه ما نسيت ويرزقنى تلاوته آناء الليل وأطراف النهار
ومش همرر التاج لحد .. كفاية انا
أحب لأخيك ما تحب لنفسك
46 comments:
بصراحه اجاباتك مشكله
بس تصدق انا عمري مابصيت على بروفيل حد باقراله وكنت متصور انك معدي ال30
يمكن عشان كلامك كبير
يبقى اكيد اللي كاتبه كبير
وبعدين
بتحب مصر؟
اللى يروح ليبيا لازم يحب مصر
ده كلام ؟؟؟؟؟
ههههههههههههه
تحياتي
:D
ماكنتش اعرف انها ورطة كدا .. بس اجابات حضرتك جميلة جدا
ربنا يرزقك ماتتمنى إن شاء الله
على فكرة انا برده كانت نشأتي بقى
كلها في السعودية لحد ما بقى عندي18
سنة ... كانت أياااام
تحياتي لحضرتك
عايز بس أقول لك إن اللي عمل التاج لازم يغير موضوع النص مليون جنيه ده .. دول ما يجيبوش حاجة اليومين دول
هههههه
إجابات جميلة وظريفة جدا
:d
ربنا يباركلك يا اخي
:d
اجابات لذيذة ربنا يعزك
:)
هما كانوا بيعذبوا الناس في ليبينا!!!
حلو السؤال بتاع انتى مسلمه ؟ لا مسلم
بجد اجابه مفتكسه
بس خلاص
سلام
هههههههه
ايه
دا
اجاباتك
دمها
خفيف
اوووووي
باشا اجابات جامده جدا..كلها خفة دم وذكاء
بس قولي ايه حكاية زوجات المستقبل دول... انت ناوي ع الاربعة ولا ايه
خد بالك
تحياتي
محمد سمير
ههههه
طب الحمد لله انك ااستقريت بدل كل شوية فى بلد
وصورتك طبعا وانت صغير زى القمر
طبعا انا معرفش شكلك ايه دلوقتى
ادعوك لزيارة مدونتى
تحياتى
عجبتني طريقة ردك على الاسئله .. وبالاخص ئلي فيه زوجات المستقبل .. وامنيتك :) (Y)
عندي نفس تسأءل الاخ غمض عينك
انتا ناوي تتجوز 4 ولا ئيه ؟
شكلك كده متبع القاعدة ئلي بتقول
ان الاصل في النكاح التعدد
بلاش ندخل في التفاصيل علشان محدش يزعل :D
:) اخوك
ههههههههههههههههههههههههههه
هههههههههههههههههههههههههه
هههههههههههههههههههههههه
موتنى من الضحك الله يهديك
زوجااااااااااااااااااااااات المستقبل
زوجااااااااااااااات ياراجل!!!!!
لو اجتمعت مع حسني مبارك في غرفة واحدة هتقوله ايه؟
وقعت ياريس ولا حدش سمى عليك
ههههههههههههههههههههههههههههههههه
الله يهديك
اجابات ظريفة جدا
اضحك الله سنك
ربنا يرزقك حفظ القرآن و العمل به على مراد الله
تحياتي
The Summer arrived. We go to wait that it brings light. That it brings hope. That it brings peace. That it brings the end of the curse.
إجابات جميلة
:Dمع انها ما وصلتناش لحاجة
بس دمها خفيف
ربنا يكرمك ويعزك
ههههههههههههههه
إجابات حضرتك اكثر من ممتازة يا فندم
عجبنى كلامك جدا واتشرفت انى اعرف عنك اكثر
بس إيه زوجات المستقبل دى ؟؟؟ انت ناوى على كام واحدة ؟؟
:D
تحياتى
:D
ماشاء الله
صدق من قال تكلم حتى أعرفك
الجميل انه التاج فعلا بيخلي الواحد يتعرف على جوانب اخرى من الشخصيات اللى بتكتب في المدونات
اجابات جميلة اخونا الكريم ياسر وبالفعل تحمل نوع من السخرية والفكاهة :)
حقق الله لكم ما تتمنون ورزقكم الزوجات الصالحات :D
ماشاء الله عندك 23 سنه بس
اللهم لا حسد كلامك اكبر من سنك
اجباتك تحفه
وكله كوم وسؤال بتحب مصر دا كوم
موتني علي نفسي من الضحك
تسلم ايدك
وكل تاج وانت بالف خير
تحياتي
يا راجل ده أنا لو منك معملش حاجة غير إني أرد علي تواجيج
إيه يا عم الإجابات الجامدة دي
بجد عجبتني أوي
وحلو حوار ليبيا ده ولكن من وجهة نظري .. أن تعيش في بلد راعيها عبيط خلقة أفضل من أن تعيش في بلد راعيها بيستعبط خلقة برضه
سلااااااااااااااااام
خالد أبوالفضل
el-aseef.blogspot.com
اجاباتك كلها حلوه اوى
الحمد لله انك مامررتهوش لحد
بس للاسف هو اتمرر لى فعلا من غمض عنيك
عاااااااااااااااااااااااا
تسرنا دعوتكم لزيارة مدونة بناتيت
www.banateet.blogspot.com
مبروووووووووووووووووووك
انت لسه عايش
الحمد لله
بطلوا تاجات بقي
تحياتي
السلام عليكم
تصدق كنت حاسه ان الصوره ليها علاقه بيك بس بجد اجاباتك لذيذه
اعتذر للجميع بشدة على تأخرى فى الرد
لإنقطاع مفاجىْ فى خط النت
ولــو
ديما منورنى بالرد الأولانى ..
ربنا يكرمك وحاول تحافظ على المكانة دى
تحياتى
الأنسه اللى ورطتنى فى التاج ده : نور
لو الإجابات عجاباكى .. اتفضلى ما تغلاش
انا مش فاكر اى حاجه فى الخمس سنين بتوع السعودية .. غير شوية مواقف كده بسيطة ..
وانا رحت السعودية تانى من سنتين قعدت هناك 3 شهور كده وجيت ..
تحياتى
يا مراكبى
ده اللى بيعملوا التاجات دول بيعملوها عشان يقرفونا ..
ما احان حلويين اهوه والحال ماشى واخر حلاوه
المجاهدة
ربنا يكرمك
ليبيا .. ما اقولكيش .. خليها مفاجأة
ان شاء الله لما ربنا يرزقك الزوج الصالح ابقوا اطلعوا على هناك شهر وراحد بس كده سياحة و دى وصفه لأى حد ما بيحبش مصر
وربنا هيكرمك اخر كرم ان شاء
حراس الحقيقة
لو عاجبك اتفضلى .. ما يغلاش عليكى
بالله المستعان
طيب وكده كويس ولا وحش !؟
غمض عينيك
ربنا يخليك يا باشا
بالنسبة للأربعة مش متأكد .. ممكن يزيدوا ..
أفرض واحده منهم توفاها الله ..
اعيش بتلات ازواج !؟
اه يا دماغى انا كمان
اه الحمد لله استقرت السفينة فى مصر
وربنا يخليكى .. كل الناس وهى صغيره بتبقى حلوة ..
وان شاء الله جاى على مدونتك دلوقتى
فن الحياة
ربنا يكرمك يا باشا
بالنسبة لتسآءل الأخ غمض عنيك فأنا جاوبت عليه ..
عشان ما نكررش الرد وحد يزعل برضه :)
تحياتى
رينـــا
هههههههههههههههههههههههههه
هههههههههههههههههههه
ضحكتينى من كتر ضحكك ..
فيها ايه يعنى زوجات المستقبل
حد عارف المستقبل مخبيله كام زوجه
ههههههههههههههه
وبالنسبة للريس الناس قالولوا كل حاجه ممكن تتقال ..
فأنا هعمل بقه
هههههههههههههههههههه
الله يهدينى
الحلم العربى
ربنا يكرمك
واضحك الله ضرسك
وربنا يستجيب دعوتك يارب ويتقبل
تحياتى
ديفيد
مساء الخيييييييير
انته فاضى ياريس ولا ايه !؟
طيب بدال كنت هنا ارزعنى تعليق على التاج
النجمة الصامدة
يعنى كنت اقول ايه عنى اكتر من كده .. دا انا كمان وريتكوا صورتى وانا صغير
اكتر من كده يبقى طمع
the manager
ربنا يكرمك ..
بالنسبة للزواج ده مش بإيدى .. وانا مش عايز احصر نفسى فى زوجة واحده .. لازم الواحد يبقى حاطط فى دماغه كل الإحتمالات .. إلا بقه لو اتجوزت واحده ولقيتها بأربعه .. مش هطمع بتلاته .. ساعتها ايه اللى يخلينى افكر فى الجواز تانى ..
طبعا ده كله كلام وساعة الجد بيبقى فى كلام تانى
هههههههههههه
تحياتى
همسة قلم
ربنا يكرمك ..
ويستجيب لكِ الدعاء D:
gohayna
الكلام مش اكبر من السن ولا حاجة ..
بس للأسف احنا اتعودنا ان الإنسان بيفضل هايف لحد سن كبير ..
لكن الأصل ان الأنسان بيبقى راجل من سن الرشد يعنى 21 والمفروض انه يعتمد عليه وكلامة يبقى كبير
تحياتى ليكِ
خالد أبو الفضل
نورت المدونة ..
ويارب ديما نلاقيك منورنا بتعليقاتك ..
بالنسبة للتاجات انا فعلا ما بحبهاش .. ورديت عليها غصبٍ عنى ..
بس يلا .. ان شاء الله ما حدش يبعتلى تانى
تحياتى
dalia
ربنا يخليكِ
انا لا عايز ابعت لحد تاجات ولا حد يبعتلى تاجات ...
احنا كده كويسين
النجمة الصامدة
ألف مبروك ..
وتمت الزيارة ..
•«ρяoιd»•™
هههههههههههههههههههه
انته شكلك مفتقدنى ..
ان شاء الله اجيلك زيارة ..
نسرين - أمة الله
احساسك كان فى محله يا استاذه نسرين
الاجابات هلكتني من الضحك .. ايه ده اصلا ,, ليبيا ومش ليبيا .. ومسلمة .. ولهجة .. بجد تحفه
ربنا يباركلك
ن شاء الله لما ربنا يرزقك الزوج الصالح ابقوا اطلعوا على هناك شهر وراحد بس كده سياحة و دى وصفه لأى حد ما بيحبش مصر
وربنا هيكرمك اخر كرم ان شاء
lol
:d
اضحك الله سنك
:d
احم
انا لفت نظرى كلمة زوجات المستقبل
مستغرباها جدااااااا
Post a Comment