بيعدى العمر وما نحسش بيه
رضينا أو لاء
ومن غير ليه
بتمر شهور .. وتمر سنين
تمر ساعات ومش حاسيين
جيل بيسلم للى وراه
وبيتنازل علـ معاه
غصبٍ عنه
مش برضاه
ناس بتموت من يوم موتها
كانت عايشة علشان قوتها
وفـ يوم موتها بيضيع صوتها
وناس بتعيش علشان فكرة
تحلم ديماً بأمل بكرة
مهما اتسجنوا
ومهما ادفنوا
بتخلدهم ديماً ذكرى
فرق كبير .. بين التفكير
واحد عايش علشان قرشه
وواحد عايش يربى فـ كرشه
وواحد عايش علشان كرسى
وواحد تانى بيقول نفسى
وغيره بيقول أرضى وطينى
وواحد بيقول وطنى ودينى
قصة بسيطة .. وفرق كبير
وما تحتارش فى التفكير
هى الدنيا يومين وتعدى
وزى ما خدنا .. لازم ندى
63 comments:
الكلام ده كبير
الكلام ده اوعى يكون الاخير
طب مانت زجال جامد جدا اهو
امال ايه يا عم التواضع ده
انت وصفت الدنيا بكل معانيها وكل افرادها
الاختلاف هو اللي مخلينا نستمر لغايه دلوقت والا كنا موتنا من الغل
بس برضه
مااستحق ان يولد من عاش لنفسه فقط
تحياتي
السلام عليكم
اشكر كل من تساءل عن غيابي
ووقف بجانبي في محنتي
تحياتي لكل شريف حر
السلام عليكم ورحمة الله وبركاته
كلام جميل ويحزن على حال بلدنا
وعلى العموم دول كلمتين كنت كتبتهم
وناوية احطهم باذن الله في مدونتي
اللهم انصر بنا الاسلام واعز المسلمين
بحبها ايوة بحبها
وبدوب في تراب ارضها
وبدمي اروي زرعها
وبروحي اطوف في جوهها
وما استحملش كلمة عنها
وهتعب واجاهد لحد ما اعزها
تقولوا متعصب تقولوا ارهابي
تقولوا اللي تقولوه
انا هفضل طول عمري اخواني
انا اخواني
اسجنوني عذبوني صفوني
هتلاقوا دمي اخواني
والسيف والمصحف عنواني
بتحاربوني ليه مضطهدينى ليه
اكمني اخواني
ولا اكمن اسلامي عنواني
سيبوني حر في بلادي
سيبوني اصلحها لاولادي
فساد وواضطهاد وكوسة
لحد ما خلتوها منكوسة
والفساد بقى هوة عنوانها
والحق بقى موضه قديمة في زمانها
ايوة انا اخواني
وهفضل طول عمري اخواني
و هعيش واموت لبلادي
دي هية كل مالي في حياتي
عايزينني اسيبكوا تفسدوا وتبردعوا
وتسرقوا وتنهبوا
لا والف لا
ولو حتي مت من الجهاد
يروح اخواني وييجي مليون الف اخواني
وبرضه هفضل طول عمري اخواني
أناااااااا أخواني
ماشاء الله يااخي الزجل حاجة ولا اروع
انا باحب اوي الشعر اللي من النوع ده مستنين منك اكتر
بدون تعليق :) :) :)
(Y)
جميلة
ماشاء الله زجل جميل فعلا ومعبر
ربنا يبارك في قلم حضرتك ..
الحقيقة أنا أرسلت لحضرتك تاج ..
أتمنى تقبله:)
جميلة جدا
فعلا الحياة دي مرحلة قصيرة أوي
يا رب نعرف نعدي منها على خير علشان ربنا يسهلنا في المراحل اللى بعدها
و يا رب نكون من اللى بيعيشوا علشان دينهم و وطنهم و يموتوا من أجل أهدلفهم و فكرتهم السامية
جزاك الله خيرا على الأبيات الجميلة
ماشاء الله موهبة ممتازة
إلى الأمام
ولــو
من تواضع لله رفعه
وبعدين انا اهوه بقول يا هادى ..
وبالنسبة للزجل اديك جبت من الاخر اهوه
مااستحق ان يولد من عاش لنفسه
ديما منورنى
صاحب البوابة
حمدلله على سلامتك
وعلى سلامة الوالد
وده كان أقل واجب
مسلمة
منورة المدونة ..
وألف مبروك عليكى المدونة ويارب يجعلها فى ميزان حسناتك ..
بالنسبة لكلماتك .. فيها معانى جميلة .. بس عشان نعتبرها زجل عايزه إلتزام اكتر بالوزن .. وانا كنت ناوى اساعدك فى تضبيط الوزن ونطلعها على المستوى المطلوب .. بس انا دلوقتى فى فترة امتحانات .. لو تستنى كمان 10 ايام .. ان شاء الله اضبطلك الوزن بتاعها ..
لكن حضرتك محتاجة تقرى اكتر فى الشعر العامى والزجل وبإذن الله ده هيفرق معاكى كتير ..
وربنا يكرمك ويوفقك لما يحبه ويرضاه
عمرو المصرى
نورت المدونة ..
والف شكر على المرور الجميل ده ..
وان شاء الله كل فتره هنزل شعر عامى من اللى قلبك يحبة
ويارب ديما اكون عند حسن ظنك
فن الحياة
ديما منور المدونة ..
ولية بس بدون تعليق ..
ابقى قولى اى تعليق ان شالله حتى تقول تعليق :)
تحياتى
sharm
ديما منورنى ياباشا
وانته اللى أجمل ..
تحياتى
نــور
شكراً على الكلام الجميل ده ..
وربنا يباركلك .. ويارب تكونى خلصتى امتحانات على خير ..
وبالنسبة للتاج .. ان شاء الله أرد علية قريب
جزاكم الله خيراً
الحلم العربى
بصراحة ساعات بحس انى مش قادر ارد على الكلام المشجع ده ..
بحس ان التفكير عجز عن ايجاد الكلمات واليد توقفت عن الكتابه على الكيبورد وحالتى بقت صعبة خالص ..
فلن اجد غير
جزاكم الله خيراً
هي الدنيا يومين وتعدي
هي دي الحقيقة اللي كلنا مش حاسينها أو بننساها أو بنتناساها
الزجل المرة دي بجد جميل ومتسلسل
فضفضة جميلة أخي الحبيب
كلمات عامية بسيطة معبرة مفهومة
توصل فكرة
وتصحح فكر
تحياتى :)
كلامك رائع
كويسة الفكرة رغم انها مش جديدة
اما المعالجة بقى فمحتاجة منك شوية مجهود
تحياتى ليك
الاخ ياسر
جميله جدا جمله
ناس بتموت من يوم موتها
وقد توقفت عندها وقلت طيب ما كل الناس بتموت من يوم موتها ولكن سريعا ما تذكرت ان الموت نهايه جسد والاعمال والسيره الحسنه باقيه
لك تحياتى
جميل كالعاده في تعبيراتك
تحياتي
كالعادة ارفع القبعة لجمال كلامك الموزون
من الاخر كلام جامد جدا وفعلا بيوصف الحياه بكل ما فيها
تحياتي ليك
محمد سمير
كلمات جميلة اوى
قليلة ومعناها قوى جدا
مبروك على المدونة الجديدة
حلوة القصيدة
بس مش رائعة
اعتقد اللى يكتب الكلام ده
يقدر يكتب احسن منه
الله المستعان
البشمهندس : يا مراكبى
للأسف ..
ما هو الواحد كل مرة فى تقدم بقة ..
وان شاء الله المرة الجاية يبقى احسن من المرة دى
تحياتى
بهاء
جزاكم الله خيراً على المرور
وعلى هذه الكلمات الطيبة
تحياتى
ahmed_h
جزاكم الله خيراً على المرور
ويارب ديماً تنورنى كده وتسعدنى بتعلقياتك ..
تحياتى
عين ضيقة ..
نورتينى ..
بس للأسف انا مش فاهم قصدك ..
يعنى هنقول انى فهمت انها فكرة كويسة ومش جديدة ..
طيب حضرتك تقصدى ايه بالمعالجة ؟
يعنى كان الأفضل ان حضرتك توضحى اكتر .. تقصدى الوزن ولا القافية ولا الكلمات ولا ايه بالظبط ..!؟
اخى الجاهل
شكراً المتابعة وشكراً على التوقف ..
لك منى خالص تحياتى
انتظار مؤقت
شكراَ على المرور
وجزاكم الله خيراً على التعليق
غمض عنيك
كده برضه مش هتخلينى اعرف ارد على الكلام الكبير ده ..
بالراحة عليا عشان ما اخدش مقلب فى نفسى
barbie girl
اشكرك على الكلمات الجميلة دى
وانتى اتأخرتى على الإفتتاح ليه ؟
فاتتك الحاجة الساقعة
الوردة السمراء
شكراً على المرور ..
وانا حاولت ازور مدونتك بس للأسف كان بييجى كلام مش عربى خالص .. وكل ما احاول ما فيش فايدة
وانا مش عارف الكلام اللى انتى بتقوليه ده تقصدى بيه مدح ولا ذم ولا تشجيع ولا ايه بالظبط ..
عموما على كل حال متشكر .. وياريت لو فى نقد معين احب انك توجهولى
Arabian GiRl(caaaaat
اشكرك على المرور
وياريت يبقى فى تعليق ..
يعنى الحاجة اللى كتبتها دى حلوة وحشة اى كلام ..
وتحياتى
ويارب ديما تنورينا بتعليقاتك
بدايا شكرا علي تشجيعك ومرورك بمدونتي
انا اول مرة اعدي علي مدونتك
اسم المدونه حلو اوووي
حياتنا كلمات
وكلمات كلمات
ما اجملها من كلمات
كلمات متميزة
غبر باقي الكلمات
برااااافو
:D
وكلماتك كلمات
ما اجملها من كلمات
كلمات متميزة
غبر باقي الكلمات
الشاعر ياسر سليم
قلبت في المدونة واخدت بالي من بوست كده قال ايه في ناس مش عاجبهم زجلك ومش عاوزينك تكمل فيه
طب يعني هما مقروش الجمال اللي انت كاتبه ده :
قصة بسيط وفرق كبير
وما تحتارش فى التفكير
هى الدنيا يومين وتعدى
زى ما خدنا لازم ندى
طبعا انا حزفت الواو في اول اخر بيت على سبيل الفزلكة الوزنية
سيبك منهم ياشاعر
كمل وربنا معاك
سلمت يداك
قصه بسيطه وفرق كبيــــــر
فعلا
هو قصه الصح والغلط قصه بسيطه جدا والفرق بينهم كبير جدا
مدونه رائعه
وكلام اروع
جميل قوى كلامك واهم حاجة فيه التسلسل وانك جبت الخلاصة فى الأخر
هى الدنيا يومين وتعدى
وزى ما خدنا .. لازم ندى
صح كدة وكمان عضبٍ عنه اكيد :) بجد لو الواحد فهم كلامك دة صح هيفلح إن شاء الله ويدخل الجنة
ربنا يجعلك يا اخى من اهلها ويبعدك عن النار
والبلوج بتاعك عجبنى جدا وواضح إنى إن شاء الله هبقى دائم الزيارة عندك ربنا يقدرنا بس :D
جزاك الله عنى خيرا
ياسر سليم :
بكل بساطه بتكتب بكل بساطه بنفهم كلامك جميل وليه هدف وبعد ماقريناة فهمنا الفرق الكبير ، عارف دا اللى انا بتكلم عنه شعر سهل خالى من العقد بيتكلم عننا وبيمسنا وبنلاقى جواة معانى مش شرط الوزن والقافيه واللعبكه تعالى شوف اغانى اليومين دول نفسى يا ياسر الناس تفهم كلامنا وتحس بكل حرف فيه جاى منين ورايح فين وتعبنا فى كتابته قد ايه يارب يوفقك انا فرحت جدا لما لقيت ان الناس بيتابعو وبيحبو يدخلو عندك دا شىء بجد اسعدنى وحسسنى اننا ممكن نوصل فى يوم من الايام ربنا معاك ومعانا
تحياتى بجد ومش مجرد مجامله والله على ما اقول شهيد .
محمد فوزى .
الله
جبت هموم الناس فى كام بيت
ربنا يعزك يا جميل
السلام عليكم
الكلام ده من الكشكول
انا حاخد الكشكول ده شويه
عارف لما بتقول هى الدنيا يومين وتعدى زى ما اخدنا لازم ندى
فكرتنى بواحده كان دايما تقول كله سلف ودين حتى المشى على الرجلين
الله المستعان
ياترى كل لحظه عدت علينا
اكتبت لينا والا علينا
هو دا اللى المفروض نفكر فيه
كله محسوب
ومكتوب
ووقت الحساب
يكرم المرء او يهان
اللهم اجعل كل ما مر بنا لنا لا علينا
كلام جميل
جزاك الله خيرا
انا اراه تذكرة اكتر منه اى شىء تانى
وصلى كدا
زجل رائع
ناس بتموت من يوم موتها
كانت عايشة علشان قوتها
وفـ يوم موتها بيضيع صوتها
وناس بتعيش علشان فكرة
تحلم ديماً بأمل بكرة
مهما اتسجنوا
ومهما ادفنوا
بتخلدهم ديماً ذكرى
كان عندى زجل كتبته فى بداية التدوين يحمل معنى مقارب
حول بقاء الفكرة حتى وان فنى الجسد
اذا كانت خالصة ونافعة وضحى من أجلها
بالله المستعان
نورتى المدونة ..
ويارب يديم الزيارات ..
ولو عاجبك اسم المدونة اتفضلى ..
فى كتير يعنى ..
ده اقل حاجه عندى :)
الشاعر : أحمد سلامة
نورت المدونة وخطوة سعيدة ..
بجد انا اعتز بالشهادة بتاعتك ..
راجل زجال كبير زيك كلمته وسام على صدرى ..
ربنا يكرمك .. ويارب ديما تنورنا بزيارتك
حراس الحقيقة
نورتى المدونة ..
وربنا يكرمك ويارب ديما تنورينى بتعلقياتك
تحياتى
the manager
نورت المدونة ..
وأسعدنى جداً تعليقك ..
ويارب ديماً تشرفنى يزياراتك
تحياتى
أخى محمد فوزى
انته ما تعرفش كلماتك دى اد ايه غالية عليا جداً .. وانا أعتز بيها .. ويارب ديما أكون عند حسن ظنك ..
تحياتى
mohamed
نورت المدونة ..
ويارب تكون عجبتك وما تكونش اخر زياره ..
وانا جيت ادخل مدونتك ما لقيتهاش .. لعل المانع خير !؟
تحياتى
نسرين - أمة الله
الاول حمدلله على سلامة الرجوع إلى التدوين ..
والكلام ده ما كانش لسه اتحط فى اى كشكول ..
ايوه .. اصل انا عندى كشاكيل .. مش واحد بس ..
ومش عارف والله انتى بتألسى لما بتقولى بتاع حتى المشى على الرجلين دى ولا هزار ولا ايه بالضبط !؟
عموما .. اى حاجه تيجى من حضرتك كويسة ..
تحياتى
رينــا .. كل ده وقت تسيبينا
حمدلله على السلامة .. وايه الكلام الجامد اللى بتقوليه ده .. يارب اجعل ما مر بنا لا علينا .. امين ..
واللى انا كاتبه .. كاتبه علشان يوصل .. مش مهم وصلك ازاى .. المهم انه وصل :)
تحياتى
الفجرية : الأخت اسماء
دى شهادة انا اعتز بيها من حد بيكتب زجل زى حضرتك .. لأن اللى يعرف يقدر بجد هو اللى بيعرف يكتب لأن اللى بيكتب هو اكتر واحد يتذوق ..
وانا بالفعل قرأت الزجل اللى كاتباه
وبالفعل فى تقارب فى المعنى ..
تحياتى
ندعوكم للمشاركة معنا فى
( الملتقى )
ملتقى امدونين
ملتقى الافكاروالاراء
فى مدونة واحدة تجمع افكارنا
تسعدنا مشاركاتكم معنا
كلامك بجد كبير و ليه الف معنى و معنى و دايما رائع في تعبيراتك
تحياتي ليك
عندما تأخذني بساطةالتعابير
إلى حيث المقولة (أن النهضة قائمة بنا أو بغيرنا فلننل شرف قيامها على أكتافنا)
ساعتها أقول لكم اخي
جزاك ربي الجنة
إخوانى فى الملتقى
شكرأ على الدعوة
وتمت الزيارة
وبإذن الله سنشارك معكم
انتظار مؤقت
جزاكم الله خيرا على هذه الكلمات المشجعة والرائعة
دمتم مشجعين
النجمة الصامدة
حمدلله على السلامة والعودة الى المتابعة ..
وعندما تدعوا لى بالجنة ..
فإن لم ادعوا انا .. فسيكون هناك من يقول .. ولكِ مثله
سلام
انا اسفة اني برد متاخرة بس كان عندي ظروف
المهم
الزجل رائع يا ياسر
وانت جمعت الكثير في كلمات قليلة
وطبقت المقولة
خير الكلام ما قل ودل
تحياتي لك واستمر هكذا والى الامام
بصراحة
فعلاً سعيد بزيارتك لمدونتي
وسعيد أكتر بزيارتي لمدونتك القيمة
فعلاً انت تمتلك قريحة مبدعة ومبتكرة
وتمتلك ايضاً قلماً محترماً ومميزاً
أمتعتنا بإبداعاتك
أنا أكون سعيد جداً حينما اقابل من هم أصحاب فكر صادق اصحاب رؤية تستطيع التواصل معهم
قرأت مدونتك كاملة
وأنتظر المزيد من اعمالك خصوصاص من الشعر والزجل
دعوة لزيارة مدونة شاعر تستحق الزيارة
http://mosaiiic.blogspot.com/
Post a Comment